**ജ്യോത്സ്യന്റെ ബുദ്ധി**
ഒരിക്കൽ ഒരു രാജാവ് തന്റെ ജാതകം അതിപ്രശസ്തനായ ഒരു ജ്യോത്സ്യനെക്കൊണ്ട് വായിപ്പിച്ചു. ജ്യോത്സ്യൻ അത് വായിച്ചശേഷം പറഞ്ഞു“തിരുമേനീ, അങ്ങയുടെ മരണം അടുത്തിരിക്കുന്നു എന്നാണ് ജാതകത്തിൽ കാണുന്നത്.”
രാജാവ് അതുകേട്ട് കോപിച്ചു: “എന്റെയല്ല നിന്റെ മരണമാണ് അടുത്തിരിക്കുന്നത്,'' രാജാവ് ആക്രോശിച്ചു, “നാളെ രാവിലെത്തന്നെ നിന്റെ തലവെട്ടാൻ നാം കല്പിക്കുന്നു."
“തിരുമേനീ, അങ്ങയുടെ ഈ വിധിയും ഞാൻ സ്വീകരിക്കുന്നു.” ജ്യോത്സ്യൻ അങ്കലാപ്പൊന്നും കൂടാതെ പറഞ്ഞു, “അങ്ങ് മരിക്കുന്നതിന് മൂന്ന് ദിവസം മുമ്പായിരിക്കും എന്റെ മരണമെന്ന് എന്റെ ജാതകത്തിൽ പറയുന്നുണ്ട്.”
ജ്യോത്സ്യന്റെ ഈ വാക്കുകൾ കേട്ടപ്പോൾ രാജാവ് ഞെട്ടി:
“എന്ത്? ജ്യോത്സ്യൻ മരിച്ചാൽ മൂന്നാംദിവസം താൻ മരിക്കുമെന്നോ!”
അയാളുടെ ബുദ്ധിസാമർഥ്യമാണ് അയാളെ അപ്പോൾ മരണത്തിൽനിന്ന് രക്ഷിച്ചത്.
ജ്യോത്സ്യൻ അടുത്തകാലത്തൊന്നും മരിക്കാതിരിക്കട്ടെ എന്നായിരുന്നു രാജാവ് അപ്പോൾ പ്രാർഥിച്ചത്.
കടപ്പാട് :- ജോർജ് ഇമ്മട്ടി
Share this
.png "5 മികച്ച ബീർബൽ കഥകൾ | Best 5 Malayalam Birbal stories to read")
-transformed.jpeg "മലയാളം കുട്ടിക്കഥകൾ | kutti kathakal malayalam")
.png "കുട്ടികൾക്കുള്ള 5 മികച്ച നാടോടിക്കഥകൾ")
.png)
-transformed.jpeg){kind=spacer}
.png)
0 Comment to "ജ്യോത്സ്യന്റെ ബുദ്ധി| malayalam kathakal"
Post a Comment